Prezidenti Parlamentu Nasionál (PN) Fernando ‘La Sama’ de Araújo no reprezentante Bankadas Parlamentares fó apoiu nafatin ba servisu Provedoria dos Direitus Humnus i Justisa (PDHJ), ne’ebe servisu iha tinan hat nian laran. Tamba PDHJ ne’e instituisaun indenpendenti ida ne’ebé hala’o nia kna’ar ho responsabilidade, integridade no imparsialidade tuir nia kompeténsia Konstitusionál.
Fernando ‘La sama’ de Araújo hato’o lia hirak ne’e iha ninia mensajen ba PDHJ iha plenária Kuarta-Feira (14/4).
Prezidenti PN La Sama informa katak, Parlamentu Nasionál kumpri nia dever, nia kompeténsia konstitusional no tuir lei ne’ebé mak vigora ne’ebé relasaun ho servisu Provedoria dos Direitus Humanus i Justisa (PDHJ) nian. Nune’e mós parlamentu nasional fó mós parabens ba Provedor ho nia adjuntu nain rua, ho esforsu PDHJ bele koñese no respeita liu tan direitu humanus.
“Ami nia Parebens ba Proverdor no Adjuntu nain rua, hau fiar metin katak, ho ita bo’ot sira nia esforsu nu’udar poinse dor ba área direitus humanus no justisa, ita sei halo buras, haklean liu tan koñesimentu no respeitu ba direitus humanus atu bele implementa ihá ita nia nasaun foun ida ne’e, no servisu boa governasaun ninia,”katak La Sama.
Nia parte hanoin no kondisoens balu ne’ebe Provedor soe ona hanesan esperensia ninian konesementu ninian iha tempo badak ne’ebe involve an iha servisu ne’e.
Tamba dala barak koalia konaba direitus humanus mais dala oituan deit mak koalia konaba dever hanesan sidadaun ba nasaun foun Timor Leste ne’e i dala barak mós koalia barak konaba justisa, mas la koalia barak konaba dalan atu ba justisa ne’e oinsa.
La Sama deklara katak, ba oin Provedoria ho adjuntu nain rua bele fiar metin iha Parlamentu Nasionál atu bele asesu Parlamentu nia apoiu tomak.
“Ami fiar katak la iha instituisaun ida lakohi hetan susesu wainhira la iha partisipasaun kolaborasaun apoiu husi instituisoens sira seluk liu-liu institusoens do Estadu no orgaun soberania Estadu nian,”tenik Prezidentin PN Fernando La Sama.
Aleinde ne’e Xefi Bankada Partidu Unidade Nasional (PUN) Fernanda Mesquita Borges hateten katak, Provedoria nia diskursu ne’ebé halo iha Parlamentu Nasionál ne’e hanoin fali no tenki kontinua iha parlamentu apoia nia.
Tamba ne’e husu para nia ezijensia liu iha implementasaun relatóriu sira ho orgaun do Estadu no bele hakerek obstákulu mai iha parlamentu atu bele Estuda oinsa bele foti problema sira ne’e no bele hadia.
“Ami presiza nia tulun para atu hadia nia lei rasik,”tenik Fernanda Borges.
Nue’e mós iha sorin seluk Xefi Bankada Parlamenta FRETILIN Aniceto Guterres hateten katak, durante ne’e PDHJ hanesan instituisaun ne’ebé foun, maibé sira konsege estabelese instituisaun ne’e, Provedoria hala’o servisu diak ho imparsialidade no independenti.
Partidu FRETILIN iha esperansa bo’ot katak, tinan hat mai ne’e Provedor sei servisu diak liu tan.
Tidak ada komentar:
Posting Komentar