Deputadu husi bankada Parlamentar FRETILIN Estanislau Aleixo da Silva Hateten katak, demokrasia La’os Utiliza Fali Simbolu Partidu Seluk hanesan simbolu Partidu FRETILIN nian ne’ebe Grupu Fretilin Mudansa (GFM) uza hodi Fo apoiu ba Partidu Seluk.
Estanislau Aleixo da Silva hato’o kestaun ne’e iha Plenaria Estra Ordinaria Tersa-Feira (13/4).
Deputadu n’e afirma katak, katak Konaba servisu ne’ebé Prezidenti CNE halo no Medidas ne’ebe tenki hola ba ema sira ne’ebe utiliza simbolus partidus seluk nian.
Nia mos hateten katak FRetilin la permite ema Partidu seluk lori fali partidu ida nia simbolu mai iha fretilin nia laran para utiluza FRETILIN nian.
“Hau hanoin ita hotu tenki hanoin halo didiak halo nusa mak ita hala’o demokrasia ne’e ba oin para labele utiluza partidu seluk nia simbolu mai iha ema seluk nia Partidu,” ,”katak Deputadu Estanislau.
Nia salienta katak, partidu FRETILIN kontenti wainhira rona husi Comisaun Nacional da Eleisoens (CNE) katak kazu utiliza simbolu Partidu FRETILIN tama ona ba Prokurado Geral da Republika (PGR) no hein lalais ba tribunal hodi rezolve.
“Ami kontenti tebes wainhira Prezidenti Parlamentu Nasional Fernando ‘La Sama’ koalia no PReszidenti CNE Faustino Cardoso, katak kazu ne’e tama tiha ona Prokurador Geral da Republika (PGR) ninian i ami hein buat ne’e ba lalais tribunal para rezolve asuntu ne’e para eleisaun oin mai lalika ulun fatuk moras, la hanesan asu ho busa duni malu,” tenik Deputadu FRETILIN Estanislau da Silva.
Antes ne’e Diretor Nasional dos Registus i Donotariado (DNRN) Mario Ximenes hateten katak, FRETILIN mudansa seidauk sai partidu, tamba seidauk rejistu konstitusional ou legalmente tuir Lei partidu No.3/2004 kona ba partidus politiku.
Mario Ximenes Deklara katak, FRETILIN mudansa to’o agora seidauk bele bolu partidu tamba sira seidauk rejistu tuir Lei partidu nian.
Nune’e mos membru Grupu FRETILI Mudansa (GFM) nudar mos deputadu CNRT Natalino dos Santos afirma, maske to’o oras ne’e FRETILIN seidauk rejistu hanesan partidu ida maibe nia parte la preokupa.
“GFM atu rejistu ka la rejistu atu sai partidu, ida ne’e GFM la hanoin, tamba GFM hanesan forsa movimentu moral ida ho ami nia objektivu atu hadia no dignifika politika partidu FRETILIN ninian ne’ebe agora dadaun ita hare rahun, tamba failansu husi lideransa nasional ne’ebe fahe malu,” hateten Natalino.
Nia mos dehan katak, sira sei tula nafatin Bandeira FRETILIN, iha nia kabas, tamba uluk kedan tempo kolonialista Indonesia. sei iha TL, kumu liman no tebe rai hodi hateten Fretilin, ne’e duni la iha ema ida iha mundu ne’e atu bandu GFM uza bandeira FRETILIN.
Dehan nia GFM iha direitu atu hala’o sira nia aktividade uza atributu Fretilin, tamba sira iha direitu atu defende FRETILIN.
“FRETILIN ba ami hanesan ran ida ne’ebe mak suli tiha ona iha ami nia isin i la iha ema ida iha Timor Leste atu bandu ami, tamba ho Fretilin ami marka ami nia mate hodi defende Fretilin, ne’eduni la iha ema ida atu bandu ami hodi halao aktividades iha rai ida ne’e,”sublinha Natalino.
Tidak ada komentar:
Posting Komentar