Deputadu husi bankada Parlamentar Partidu Conselho Nacional da Reconstrusaun Timorense (CNRT) Aderito Hugo da Costa hateten katak, nia parte ladun konkorda wainhira média nasional halo boikota, tamba deit polémika ne’ebé akontese iha Governu Aliansa Maioria Parlamenta (AMP) nia laran.
“Ha’u defaktu kontra kondenasaun ne’ebé arbiru deit dehan katak média halo publikasaun, tamba apoiu polítiku balu. Ne’e ha’u lakonkorda, maibé ha’u mós ladun konkorda média halo boikota, tamba deit polémika ne’ebé akontese,”hateten Deputadu Aderito Hugo da Costa ba Jornal Nacional Diário Kinta-Feira (15/4) iha Parlamentu Nasionál.
Tuir deputadu ne’e nia hanoin, maneira diak liu la’os atu halo boikota, maibé maneira tipu de sansaun ne’ebé média bele halo, maibe nia mós senti média tenki profesional infrenta situasaun sira ne’ebé akontese hanesan ne’e, públiku mak iha diereitu liu atu haree ida ne’ebé mak lós no sala.
Diak liu husik publikasaun ne’ebé hatudu katak kargu polítika ne’ebé koko labele bosok públiku,
Média tenki publika nafatin tentasaun ne’ebé membru Governu balu ne’ebé koko atu subar informasaun ba públiku.
“Ha’u senti maneira ne’ebé diak liu mak labele boikota, maibé ida ne’e fila fali ba polítika redasaun média ida-idak nian sira nia pozisaun ne’e ita labele interven , maibé sé ha’u mak kaer média ida ha’u sei la halo tipu boikota ida hanesan ne’e,”tenik Nia.
Nia mós la konkorda ho kondenasaun ne’ebé dehan katak média nasionál sira simu osan husi Partidus Politikus balu hodi fó sai informasaun ne’ebé lalós.
“Ha’u lakontetenti no lakonkorda ho kondenasaun ne’ebé dehan katak média simu osan husi partidu balu, maibé tipu de sasansaun ne’ebé média balu halo ne’e, sé ha’u mak iha média ha’u bele hateten katak la’os ida ne’e mak importante,”katak Aderito Hugo.
Maibé polítika redasaun ne’e tenki defini didiak oinsa atu boikota fontes informasaun ida, tamba média buat ida importante mak neutralidade, kobertura laiha limita. Sé média halo limitasaun ba kobertura, nia parte senti katak média mak taka dala fali ba-an rasik, tamba la’os boikota ne’e mak solusaun ne’ebé diak.
Iha sorin seluk deputadu husu bankada Frente Revolusionáriu Timor Leste Independenti (FRETILI) Joaquim Amaral hateten katak, média mós iha razaun wainhira sira hakarak halo boikota ne’e, atu rekoñese sira nia servisu ho sira nia esisténsia .
Tamba dala barak ema la brani rekoñese-an katak nia sala ka lós maibé ba fó sala fali ba ema, se jentelmen sala ne’e rekoñese sala husu deskulpa.
Nia mos salienta katak, demokrasia buras kuandu média ne’e la’o lós, sé buka fó sala ba média tenki asume sala ka lós.
Média halo buat ruma presiza fó apoiu, tamba ne’e parte ida husi muf ne’ebé média halo atu ema ne’ebé iha ligasaun ba média, halo nusa mós média ne’e mak sai hanesan ponte ba fonte de informasaun.
“Demokrasia bele buras sé média hala’o nia servisu ita respeita i ukun nain sira mós média sira mós sei respeitu sira nia funsaun.
“Ha’u fo razaun ida ba sira katak buat ida boikota ne’e la’os lulik. Konstituisaun permite ba ema ate ema halo manifestasaun, ne’e hanesan meius ida husi protestu, tamba la halo kobertura ba aktividade ne’ebé fontes ida halo,”katak deputadu ne’e.
Nia parte mós rekoñese katak, média ne’e iha neutralidade, tamba nia haree média hanesan grupo ida ne’ebé profesional, no servisu ho intelektualidade.
Tidak ada komentar:
Posting Komentar