Reprezentante povu iha Uma Fukun Parlamentu Nasionál Deputadu Aderito Hugo da Costa afirma katak, membru Governu Aliansa Maioria Parlamentar tenki iha seriedade servisu hanesan Grupo servisu.
Aderito Hugo da Costa hato’o kestaun ne’e ba Jornal Nacional Diário Kinta-Feira (15/4), iha Paramentu Nasionál, wainhira fó komentáriu kona-ba PM Xanana Gusmão ne’ebé dehan katak MNE Zacarias nia sala hamo’e AMP.
Depuatadu Aderito Hugo hatutan katak, nia parte lakohi atu kontinua polémika, maibé nia apresia deit pozisausn Primeiru Ministru Kay Rala Xanana Gusmão nia no maneira ne’ebé halo ba membru Governu sira.
“Ha’u lakohi kontinua polémika, maibé ha’u apresia deit pozisaun Primeiru Ministru (PM) Kay Rala Xanana Gusmão, apresia tebes maneira ne’ebé halo ba membru Governu sira, atu hanorin membru Governu sira tenki iha seriedade servisu hanesan tim,”hateten deputadu Aderito Hugo.
Maski Governu AMP infrenta situasaun ne’ebé mak membru Governu balu lakopera, tamba arogánsia de servisu kompeténsia interpreta arbiru kompeténsia ne’ebé iha.
“Ha’u senti katak erro ida ne’e erro ida, menus esperénsia, menus koñesimentu konaba servisu iha reasaun ninian, sa tan servisu iha team work ida ne’ebé importante hanesan membru Governu,”nia realsa.
Nia parte mós apresia tebes pozisaun PM nia, tamba polémika ne’e finaliza tiha iha públiku nia oin, nia konesimentu, ne’ebé la hamosu tan konfuzaun.
Tamba problema ne’ebé akontese iha Governu AMP nia laran rezolve ona iha Kuarta-Feira foin lalais ne’e, maibé nia parte mós husu ba membru Governu ne’ebé servisu atu hatene regras de servisu hanesan tim nian.
“Ha’u apresia tebes maneira PM nia infrenta situasaun ne’e i rezolve problema ne’e, atu membru Governu sira bele diak iha regras servisu tim nian, estrutura organizasaun ninian, atu
labele halo servisu tuir nia gostu deit,”tenik Deputadu Aderito Hugo da Costa.
Iha sorin seluk deputadu Manuel Tilman hateten katak, nia parte lakohi atu komenta komportamentu lideres nasionais, partidu seluk nia no mós membru Governu ninian.
Manuel Tilman esplika, problema sira ne’ebé akontese ne’e hein katak la iha impaktu ba Governasaun nasaun nian, no bem estar povu Timor. No labele iha impaktu nivel internasional hatun Timor Leste nia naran.
“Ha’u respeita Prezidenti Partidu hotu-hotu nian, ne’ebé ha’u lakohi komenta sira nia diferente ida ne’e,”tenik deputadu Manuel Tilman.
Nune’e mós deputadu Partidu Frente Revolusionária Timor Leste Independenti (FRETILIN) no deputadu husi bankada Parlamentar Partidu Unidade Nasionál (PUN) mós lakohi komenta konaba problema ne’ebé akontese i konsege rezolve iha Kuarta-Feira foin lalais ne’e.
Tidak ada komentar:
Posting Komentar