Caicoli hanesan suku ida ne’ebé iha capital Dili no edifisiu Ministerial barak iha area ne’e, maibe durante ukun an iha tinan 10 nia laran komunidade neba kontinua moris iha inundasaun bainhira udan tau.
Suku Caicoli ne’ebé durante tinan sanolu (10) nia laran la hetan atensau maski Governasaun rua, hahu husi primeiru Governu ne’ebé koñesidu hanesan Governasaun FRETILIN no agora Aliansa Maioria Parlamentar (AMP), maibe la iha ida mak realiza promesa ne’ebé halo ba komunidade sira liu-liu iha Suku CaiColi ,ne’ebé sai centro inundasaun iha capital Dili, bainhira udan tan.
Haree bá realidade ne’ebé akontese iha capital Dili laran hanesan iha bairo no suku barak mak Governu hadia dadauk sira nia estrada, baleta , maibe husi suku Caicoli la iha mudansa nafatin maski Governu nia mandatu falta tinan ida (2012) remata.
Suku Caicoli ne’ebé koñesidu hanesan Centru Inundasaun iha Capital, tamba durante udan ne’ebé la para iha kapital Dili ne’e halo area Caicoli nakonu tahu no be ne’ebé mosu ,halo povu sira labele evakua ba fatin ne’ebé seguru bá sira.
Haree kondisaun estrada no baleta ne’ebé at iha Caicoli laran ,halo komunidade Caicoli tinan-tinan hasoru inundasaun.
Chefe Suku Caicoli Ipolito Marques Sarmento hatete, Caicoli hanesan Centru Capital Dili, tamba edifisiu Ministeriu sira iha area ne’e hotu.Kondisaun Estrada no baleta ne’ebé durante ne’e at iha suku Caicoli ne’e, la’os foin mak akontese maibe akontese husi Governu Anterio to’o Governu AMP ne’e atu hakotu nia mandate iha tinan 2012 oin mai.
Relasiona ho Baleta no Estrada ,Chefe suku hato’o ona proposta bá Governu liu-liu Primeiru Ministru, maibe aprova deit mak baleta ,seidauk implementa hanesan mós estrada la aprova sen razaun.
“Ami hato’o bebeik bá Governu, maibe to’o agora Governu rasik seidauk hola medida ruma atu hadia estrada ka baleta hira ne’ebé durante ne’e at no halo Inundasaun hela nafatin,”Afirma Ipolito.
Chefe suku ne’e mós dehan katak, wainhira tempu inundasaun mosu komunidade iha Caicoli hotu-hotu halai bá Gedung Matahari Terbit (GMT) tamba sira nia uma ne’ebé durante sira hela ne’e bê nakonu hotu.
Akontesimentu hirak ne’e primeiru ministru Xanana Gusmão direitamente haree rasik inundasaun ne’ebé akontese, maibe seidauk hatene los saida mak Governu planu atu hadia iha tempo badak ne’e.
Maski nune’e Pedro Maria Ximenes hanesan Komunidade iha Suku Caicoli hatete, katak, durante tinan hirak nia laran hela iha caicoli, wianhira tempo udan ne’e inundasaun bebeik, maibe nunka haree Governu hadia baleta no estrada iha area refere.
Haree bá situasaun hira ne’e halo komunidade la senti konteti, wanihira unda tamba kondisaun baleta no estrada ne’ebé halo inundasaun.Alen de nune’ea nafatin nia esprensa ba governo AMP ne’e maka mandatu besik hotu no mos governo nebe sei governa iha futuru depois elisaun 2012.(Yeksing)
Tidak ada komentar:
Posting Komentar