PR Horta Fó Rekonesimentu Ba Lu-Olo
Komemorasaun Loron Aniversariu Ba dala XXXVI (360) Asosiasaun Sosial Demokrata Timorense (ASDT) transforma ba Partidu FRETILIN. Sekretariu Jeral Partidu FRETILIN MAri Alkatiri Konvida Prezidenti da Republika (PR) Jose Ramos Horta hodi entrega Sertifikadu rekonesimentu husi Partidu FRETILIN ba Prezidenti Partidu FRETILIN Francisco Guterres ‘Lu-Olo’.
Iha serimonia aniversariu ba dala 360 ASDT Tranforma ba Frenti Revolusionariu Timor Leste Independenti (FRETILIN), Partidu FRETILIN aproveita mos entrega sertifikadu ba veteranu hamutuk 41 ne’ebe inklui mos Prezidenti Partidu FRETILIN Francisco Guterres ‘Lu-Olo’ hanesan rekonesimentu ba Veteranus sira.
Partidu FRETILIN hanesan partidu ne’ebe luta ba ukun rasik an hahu husi 1975 to’o iha tinan 1999 ne’ebe fo onra ba militante no kuadru FRETILIN nian.
“Hau iha ne’e nudar Prezidenti da Republika omenazen ba membru Comite Central FRETILIN (CCF) hotu-hotu ne’ebe fo sira nia vida liu-liu entre 1975 no 1977,” dehan Prezidenti Republika Jose Ramos Horta.
Prezidenti Republika haten katak, nia parte la konta luta tomak, tamba luta ne’ebe naruk tebes, no difikuldades oi-oin, ne’ebe istoria hatene to’o 1999.maibe Comite Centra ne’ebe aguenta luta iha situasaun ne’e laran.
“Ami fila iha 1999 kuaze hotu-hotu mohu Sira ne’e hahu husi Nicolau Lobato, Hau iha ne’e homenazen ba sira hotu ho sira nia espiritu sira nia hanorin, sira nia inspirasaun ba ita,” dehan PR Horta.
Sertifikadu ne’e hanesan simbolu rekonesimentu partidu FRETILIN nian ba Militante, kuadrus militares ne’ebe hahu no hori ukun kedas iha situasaun ne’ebe ne’ebe susar kaermentin nafatin espiritu no didikasaun tomak fortifika an ba luta hodi liberta ba rai Timor Leste no povu maubere.
Maski nune’e iha dezafiu no tentasaun oi-oin husi forsa reseonariu sira maibe sira kaer metin no firmi ba Prinsipiu Partidu FRETILIN nian hodi luta nafatin i lasenti kolen no determinado hodi fó onra ba povu no patria ne’ebe sai valor as liu iha Vida FRETILIN nian.
Veteranus nain 41 sira ne’e nia hahalok ne’ebe sai lalenok klamar povu maubere nian ne’ebe hari’i no abut metin ba FRETILIN nudar Partidu mesak ne’ebe hori uluk kedan fiar metin ba povu Timor Leste atu hetan hikas fali fali ninia liberdade no dignidade.
Tinan 36 CCF hakotu dala ida tan fó onra no rekonesimentu ba veteranus no funu nain sira ne’ebe luta husi tinan 1975to’o tinan 1999 ba delegadus membru sovreviventes sira husi Comite Centra ninian.
Sekretariu Geral Partidu FRETILIN Mari Alkatiri hateten katak, Prezidenti Republika Jose Ramos Horta, ne’ebe partisipa iha serimonia ne’e, tamba hanesan xefi de estadu, maibe mos Fundador ASDT –FRETILIN, hanesan mos Eis Mebru Comite Centra. FRETILIN.
“Biar ami Kritika ida kontra ida seluk Hau Hanoin Irmaun Xanana mak oras ne’e la halo kampane niqa mos iha ne’e ona, tamba nia mos eis membru Comite Centra Fretilin,” Dehan Alkatiri.
Iha oportinidade hanesan Prezidenti Partidu FRETILIN Francisco Guterres ‘Lu-Olo’ hanoin fali ba kotuk haree katak Lideransa uluk la hanesan iha tempo agora ukun rasik an, tamba lideransa ne’ebe iha kapasidade iha hanoin atu bele hari’I Timor Sai hanesan rai indenpendenti iha mudu.
“Hau nudar Presidenti Partidu FRETILIN hau Mai hakruk ba ita sira ne’ebe uluk hahu, hakruk mos ba sira hotu ne’ebe oras ne’e la hamutuk ona ho ita, maibe sira fo sira nia isin ho ran ba rai ida para it abele halibur mau,” hateten Prezidenti Partidu FRETILIN lu-Olo.
Antes ne’e iha tinan 2007 partidu FRETILIn mos fó sertifikadu ba membru Comite Central FRETILIN ne’ebe kombates sira mate iha funu laran, no ba membru Governu primeiru Governu da RDTL ne’eb iha tinan 1975 ne’ebe partidu fretilin mak hari’i, no ba Fundadores partidu no ba proklamador no restaurador.
Nune’e mos iha tinan 2008 Partidu FRETILIN mos fo ona ba komando Falintil-Forsa Defeza de Timor Leste (F-FDLT), no fo ba estadu maior FALINTIL entre 1975 to’o 2000 no mos ba lideransa da rezistensia ne’ebe iha tempo ne’eba mos FRETILIN fó sertifikadu rekonesimentu ida ba Primeiru Ministru Aktual Kay Rala Xanana Gusmão ne’ebe iha tempo ne’eba hanesan lider Rezistensia nian.
Nune’e mos naran ba veteranus sira ne’ebe simu sertifikadu rekomendasaun husi Comite Central FRETILIN iha Tinan 2010, mak hanesan Prezidenti Partidu FRETILIN Fransisco Guterres ‘Lu-Olo’ Rasik, Sabica Kulit Besi, Cornelio Ximenes (Maunana), Domingos houl (Falur Rate Laik), João Miranda (Aluk deskarte), Faustino dos santos (Renan Selak), Elias da Costa (Kasian Susar), Amelio Garsia (Mau Asik), Fernado Geronimo (Sebas), Afonso Cabral (Mate mak foti), Mozes Guimaraens, Armindo Vilanova (Caras), Lino Vas varela (Loriku), Martinho Pereira (Maubelis), Tomas de Oliveira (Oli Lemorai), Jose Seceira (Chomoco), Cutodio Belo (Alin Laek), Lorenso Cabral, Bernado Gusmão, Agusto Lobo,Cornelio Gama (Eliforae Bot), Adolfo Freitas, Manuel Freitas, Paulino Freitas, Lorenso Freitas, Pedro Gomes, Afonso Coreia, Paul Pinto Soares, Maneul de Oliveira, Matias Menzes, Lino Damas, Vidal de Jesus (Riak Leman),Gil da Costa, Zacais Fatima, Jaime Ribeiru, Paulo Alves, Francisco do Santos, Eufrazia Menezes, Domingos da Silva, Ana Sinorina no Alamau.
Iha serimonia Aniversariu ASDTL trannsforma ba FRETILIN ba dala 36 ne’ebe hala’o iha Cede Comite Central FRETILIN (CCF) ne’ebe hetan partisipa husi Prezidenti Republika Jose Ramos Horta, Reprezentante Sekretariu Jeral Nasoen Unidaes Amira Haq, Prezidenti Comisaun Nacional Elitoral (CNE) Fautino Cardoso Gomes, Provedoria do Direitus Humanus i Justisa (PDHJ) Sebastião Dias Ximenes, Prezidenti PArtidu Sosial Demokratiku (PSD) Nudar mos kaer pasta Ministru Negosiu Estrangeiru (MNE)zacarias Albano da Costa, Prezidenti Partidu Klibur Oan Timor Asuwain (KOTA) Manuel Tilman, Embaixadorres, Membru Parlamentu Nasional, membru Comite Central, militantes no kuadrus inkliu mos simpatizantes.
Tidak ada komentar:
Posting Komentar