Eis Membru PNTL Hetan Kontratu Foun,

Fretilin Eziji MTCI Tenki Hasai

Eis Membru Polisia Nasional Timor Leste (PNTL) ne’ebe Demite husi nia kargu, maibe hetan fali kontratu foun husi Ministeriu Turismu Comersiu i Industri (MTCI), tamba ne’e FRETILIN eziji MTCI tenki hasai tuir lei estatutu Funsaun Publiku iha artigu 81 númeru 8.

“Tuir lei tenki hasai nia tamba iha lei estatutu funsaun publika ne’ebe dehan katak ema ne’ebe hetan ona demite husi funsionario estadu, la hetan ona fatin iha instituisaun ne’ebe deit husi estadu ninian. Ba iha privadu ne’e urusan ninian, maibe ba estadu nian labele, tamba la iha ona konfiansa husi estadu i kontra ona estadu,” hateten deputada Ilda Maria.

Nia esplika katak, Nia la bele hetan tan fatin iha instituisaun Estadu nian ne’ebe deit, maibe Tamba saida mak nia hetan fali kontratu iha MTCI ne’eba.

“Hau hanoin labele iha lei estatutu funsaun publika iha ne’eba klaru tiha ona, maibe hau hare Governu ne’e la tuir lei i tuir sira nia hakarak deit, Ema ne’ebe demitudu ona halo kontratu ema ne’ebe kontratu hasai fila fali ne’e saida mak hanesan ne’e,”Katak Ilda.

Deputada Frenti Revúlisionario Timor Leste Independenti (FRETILIN) salienta katak, Kontratu ne’ebe MTCI hala’o ne’e iha foin lalais dia 3 marsu 2010, ne’ebe lolos labele halo kontratu ba Eis PNTL ne’ebe demite ne’e.demite tiha ona hasai tiha ona husi funsionariu estadu.

Tuir deputada Ilda Katak, demite tamba momentu problema ne’ebe mosu iha Krize 2006 nia laran polisia sira ne’e involve ne’e sira hetan triazen ne’ebe husi ekipa ida ba halo investigasaun nia mos tama iha triazen nia laran ne’ebe hasai tiha nia mas agora hetan fali kontratu iha MTCI.

Iha sorin seluk deputadu husi Bankada Parlamentar CNRT Arão Noé hateten katak, semak servisu iha funsaun publika depois tamba kazu nia hetan demisaun tuir lolos nia labele hetan tan ona servisu iha funsaun publika liu-liu servisu iha estadu nian,

Maibe la taka dala atu servisu iha ONG ka kompaña privadu sira, tamba hanesan uluk tempo Portugues hetan kaderneta mean, ne’ebe labele simu iha funsaun publiku.

“Se kazu ida ne’e mak los ita viola ona ita nia lei rasik i ida ne’e akontese duni hau lamenta no husu mos ba MTCI tenki identifika hare ema ne’e se los duni membru PNTl ne’ebe agora sai fali funsionario MTCI depois jenorado ne’e la bele tolera,”katak Arão.

Nia salienta katak, la’os lakohi ema ne’e atu servisu maibe tenki tau lei tuir nia dalan no tenki tau pozisaun firme, no labele husi buat ne’e la tuir dalan tamba desiza mak prezudika lei ne’e.